殺神John Wick 3
John Wick: Chapter 3 Parabellum

其實大部份動作電影都係講到主角 好好打.槍法準
敵人就無咁好打,甚至有點弱智,槍法差,

只不過呢套 殺神 將以上既野全部放大晒~加強晒~

例如 : 主角被追殺初段,有殺手向佢飛刀,唔知點解就飛向主角下體,主角稍為向後避,把刀就直插在地上,乜唔係應該飛向心臟咩?

電單車追逐戰,擺明係要追殺主角,但唔知點解有個電單車手追上主角時.
就只係扯主角衫袖,又唔打 又無刀無槍, 扯衫袖殺人?

幾個電單車殺圍殺主角, 主角就識出腳踢敵人,
佢地就唔識踢主角?

拎槍既人,有時近戰時,永遠唔識拉遠距離黎佔優勢,反而拎住手槍衝埋主角道.
就比機會主角整走你支槍.

喂!大佬呀..你係拎槍呀~槍呀~係射出子彈殺人呀 ,唔係拎住把刀衝去插人呀.........
拉遠距射丫嘛死蠢!!!!
主角又唔係美國隊長, 都係普通人一個之嘛,傷痕累累比全城殺手圍殺
都死唔去,講到太假了.

總結 : 電影當然係 [ 假 ] ,但係都要有個限度.呢套戲講到主角太屈機,敵人太蠢太廢.

由武指、劇情、鏡頭運用→→→到演技，我完全找不出可取之處，不建議看。

悶到痴左線 2個中睇佢跑左一粒中。
動作仲衰過香港d 武打片。
睇到人都癲

悶, 動作場面一d都唔吸引, 慢動作咁打.. 反派呢.. 求其打2下就死..

本作部份場面有向經典電影人/ 電影致敬，例如奇連伊士活/ 阿爾帕仙奴/ 吳宇森嘅喋血雙雄等…。最有趣係街上殺手多到震，亦可以係任何人!… 差人無影，路人不會受傷，全屬佈景板…
首集意外地受歡迎，續集更進一步… 
可惜來到第三回，感覺編/ 導陷入失控，大灑狗血，動作場面偏多 (演員受難)… 畢竟過度官能刺激只會令觀眾麻木。最後一場主角決戰忍者幫，差點被殺之際，對方竟來個反高潮 ~ 搞爛Gag! (向港產片致敬?)
奇洛拍攝前受過嚴格訓練，鎗技一流，但拳腳功夫方面則力有不逮。不過，奇洛粉絲應該感到滿足，全片亦少冷場。
以影片風格而言，John Wick 同 John Woo 之間可能真有點微妙關係? … 個人認為本作大可列為年度CULT片王!!

看本作預告片後有點期待，進場前先補看首兩集。然而觀影後卻不是那回事…
本系列乃一個發生於現代城市嘅武俠故事 ~ 神秘殺手集團高桌會，以穹天屠酒店為據點，统領丐幫/ 忍者幫及一眾自由殺手。酒店有嚴格規條及獨立貨幣，自成一個江湖。主角JW為俄國孤兒，意志堅定，極度執著，亦係天才殺手… 行事只憑直覺加心口一個勇字 (間中搞笑)。本已退休，但係偏偏先後失去愛妻/ 愛車和愛犬/ 兩幢獨立屋豪宅… 報仇後被廹重出江湖，復被出賣及集團追殺。JW擅長使用各款鎗械/ 刀 (鉛筆!) 殺人，埋身戰則愛用MMA技撻人 (同咬人)。擁有不死身，先後俾車撞十幾次/ 喺三樓中鎗後跌落街… 身邊親密同幫過佢嘅人非死即傷，屬天煞孤星一類。他最後收養一隻黑狗，無名字及不讓牠冒險…